ABŞ-da keçirilən hərracda nasist diktator Adolf Hitlerin qlobusu 100 min dollara satılıb.
Hitlerin İkinci Dünya Muharibəsi illərində istifadə etdiyi bu qlobus hərrac iştirakçılarının böyük marağına səbəb olub. Xatırladaq ki, qlobus müharibənin sonunda diktatorun evinin dağıntıları altından çıxarılıb. Kürəni Hitlerin Bavyera dağlarındakı Bertesqaden qəsəbəsində yerləşən evinin axtarışında iştirak etmiş və hazırda 91 yaşı olan amerikalı əsgər Con Barsamian tapmışdı. Kaliforniyada keçirilən hərracda qlobusu San-Fransisko otellər şəbəkəsinin sahibi Bob Pritikin əldə edib. Pritikinin 62 illik kürə üçün 200 min dollar ayırdığını söyləyən biznesmenin sözçüsü Met Devis bu məbləğin belə nadir eksponat üçün o qədər də böyük olmadığını bildirib: “Bu sahib olmaq istədiyimiz bir şeydir. Bu tarixin bir parçasıdır”. Ötən il Türkiyənin “Oyakbank”ını satın almaq istəyən fransız bankı “Sosiete Cenerale” öz əməkdaşlarından biri tərəfindən soyulmuşdur. Jerome Kerviel adlı bu gənc kompyuterlə müxtəlif əməliyyatlar həyata keçirərək bankdan 7,16 milyard dollar vəsait oğurlaya bilib. İşin üstü açılan kimi bankın bütün əməliyyatları dondurulub. Bankın prezidenti Daniel Bonton istefa versə də, idarə heyəti onun ərizəsini qəbul etməyib. Kervielin bu oğurluğu dünya tarixinə rekord kimi düşdü.